話咁快又到情人節,除咗禮物及燭光晚餐,仲可以親手整甜點,為另一半製造甜蜜小驚喜!今次就教大家炮製一款氣炸版黃金炸鮮奶,方法非常簡單,用上粉粉嫩嫩嘅士多啤梨奶,成品賣相既夢幻又浪漫,自然能輕鬆冧定另一半! 材料 士多啤梨奶——250g 粟粉——30g 糖——70g 鹽——1/2茶匙 麵包糠——150g 油——2茶匙 雞蛋——2隻 工具 多功能懶人電煮鍋 多功能迷你氣炸鍋 做法 1、將1/3士多啤梨奶加入粟粉攪至無顆粒狀 2、再加入餘下士多啤梨奶攪勻 3、將奶糊倒入鍋內,加入糖及鹽攪勻 4、開小火邊煮邊攪拌至變濃稠 5、將奶糊倒入方形容器內,放入雪櫃冷藏至凝固 6、麵包糠加油拌勻備用 7、取出雪好的奶糕切成適當大小 8、將奶糕依次沾上蛋液及麵包糠,重覆一次 9、放入氣炸鍋內焗約10分鐘即可 💡小貼士 方形容器可預先塗上一層薄油,更易脫模