3月14白色情人節想親手炮製美食向另一半傳遞心意,梗係要花花小心思!小熊今次就教大家整呢款心形pancake,步驟少、食材簡單,準備功夫基本上就係將所有材料撈勻。煎完嘅pancake熱騰騰,賣相特別又精緻,另一半見到絕對能感受到愛意滿滿! 材料: 麵粉——135g 泡打粉——7g 雞蛋——1個 牛奶——160ml 砂糖——50g 無鹽牛油——50g 裝飾用: 水果、糖漿——適量 用具:多功能電熱火鍋 做法 1、40g牛油熱溶,同其他材料一同加入大碗內攪勻至無顆粒狀 2、準備一個醬汁樽,將拌好嘅麵糊倒入 3、小火熱鍋煮溶剩餘牛油 4、先擠出一個心形邊框,再填滿中間 5、表面出現泡泡時翻面煎另一面 6、起碟放上水果裝飾及淋上糖漿即可